ກ່ຽວກັບມູນນິທິຮ່ວມໃຈທຳ:
“JMF” ມູນນິທິຮ່ວມໃຈທຳ ແມ່ນອົງການຈັດຕັ້ງທາງສັງຄົມທີ່ບໍ່ຫວັງຜົນກຳໄລ ເຊິ່ງເປັນນິຕິບຸກຄົນ ສຳລັບຜົນປະໂຫຍດທາງດ້ານສັງຄົມຂອງພົນລະເມືອງໃນຂົງເຂດການສຶກສາ, ວັດທະນະທຳ, ສຸຂະພາບ, ສິ່ງແວດລ້ອມ, ກິລາ, ວິທະຍາສາດ, ຄຸນງາມຄວາມດີ, ຄວາມສະເໝີ ພາບລະຫວ່າງຍິງ – ຊາຍ, ສິດທິມະນຸດ, ສັນຕິພາບແລະ ອື່ນໆ.
JMF ໄດ້ຖືກສ້າງຕັ້ງຂຶ້ນ ໂດຍດຳລັດວ່າດ້ວຍສະມາຄົມແລະມູນນິທິເລກທີ 149 / ນຍ, ລົງວັນທີ 19 ພຶດສະພາ, 2011, ເທດສະບານນະຄອນຫຼວງວຽງຈັນໄດ້ຮັບຮອງເອົາໂດຍນາຍົກລັດຖະມົນຕີແຫ່ງສປປລາວ.
ໂດຍອີງຕາມການສ້າງຕັ້ງ ມູນນິທິຮ່ວມໃຈທຳ ເລກທີ 251 / ສພຊ, ລົງວັນທີ 7 ພຶດສະພາ, ກະຊວງພາຍໃນຂອງສປປລາວ, ປະກອບມີ 8 ຈຸດປະສົງຕົ້ນຕໍແລະປະກອບມີ 7 ບົດ ແລະ 38 ມາດຕາ.
ມູນນິທິຮ່ວມໃຈທຳ ແມ່ນໄດ້ສ້າງຕັ້ງຂຶ້ນໂດຍພື້ນຖານດ້ວຍຈິດໃຈອັນເມດຕາ ແລະມີມະນຸດຊະຍະທຳ ທີ່ຢາກຊ່ວຍເຫຼືອສັງຄົມຢ່າງແທ້ຈິງ ໂດຍສະໝັກໃຈ ເພື່ອສັນຕິສຸກ, ສັນຕິພາບ ແລະ ຍັງເປັນຕົວແທນ ຫຼືເປັນຂົວເຊື່ອມຕໍ່ລະຫວ່າງຜູ້ຢາກໃຫ້ການຊ່ວຍເຫຼືອທັງພາຍໃນແລະຕ່າງປະເທດ ເພື່ອໄດ້ຊ່ວຍເຫຼືອຄົນທີ່ຂາດເຂີນ, ທຸກຍາກ, ດ້ອຍໂອກາດ ແລະ ຜູ້ໄປສົບໄພຕ່າງໆ ໃນທົ່ວປະເທດລາວ.
ວິໄສທັດ
ຮ່ວມໃຈທຳ ນຳພາຄວາມຜາສຸກ ແກ້ໄຂຄວາມທຸກ ຊຸກຍູ້ສູ່ການພັດທະນາແບບຍືນຍົງແລະສະຫງົບສຸກ
ຈຸດປະສົງຫຼັກ
1.ຈັດຕັ້ງເປັນສູນທຳມະຊາດກາຍະບຳບັດ ແລະໂພຊະນະທຳມະຊາດບຳບັດ
2.ຈັດຕັ້ງ ເປັນສູນຝຶກອົບຮົມດ້ານມາລະຍາດສັງຄົມ, ຈະລິຍະທັມ, ຄຸນນະທັມ ແລະ ວັດທະນະທັມມູນເຊື້ອອັນດີງາມຂອງຊາດ
3.ຈັດຕັ້ງເປັນສູນຝຶກອົບຮົມດ້ານວິຊາຊີບຕ່າງໆໃຫ້ແກ່ຜູ້ທີ່ດ້ອຍໂອກາດ
4.ຈັດຕັ້ງເປັນສູນເຜີຍແຜ່ຮູບເງົາປະຫວັດຂອງທ່ານຜູ້ນຳ ແລະວິລະບູລຸດຂອງຊາດລາວ
5.ຈັດຕັ້ງເປັນສູນບໍລິຈາກເຄື່ອງນຸ່ງຮົ່ມ ແລະ ເຄື່ອງໃຊ້ຕ່າງໆໃຫ້ແກ່ຜູ້ທີ່ຂາດແຄນ, ອຸທົກກະໄພ ແລະທຸກຍາກໃນຊົນນະບົດ
6.ຈັດຕັ້ງເປັນສູນສົ່ງເສີມດ້ານການກິລາທຸກປະເພດແກ່ເຍົາວະຊົນ ເພື່ອຫ່າງໄກຢາເສບຕິດ
7.ຈັດຕັ້ງເປັນສູນສົງເຄາະຊ່ວຍເຫຼືອເດັກກຳພ້າ ແລະ ຄົນສະລາ (ຂາດທີ່ເພິ່ງພາອາໄສ)
8.ຈັດຕັ້ງເປັນສູນສົ່ງເສີມການສຶກສາໃນດ້ານພາກປະຕິບັດຕົວຈິງ ແລະສ້າງຫໍສະໝຸດຊຸມຊົນເພື່ອສົ່ງເສີມການອ່ານ.
ຄຳຂວັນ
ຊ່ວຍຜູ້ຈຳເປັນ ບໍ່ຊ່ວຍຜູ້ເຫັນແກ່ໄດ້ ເຊື່ອມຕໍ່ຈິດໃຈ ພັດທະນາຮັບໃຊ້ສັງຄົມລາວ
ຄະຕິຮ່ວມໃຈ
- ຍອມໃຫ້ເປັນ ເຢັນໃຫ້ພໍ ບໍ່ຂໍແກ້ຕົວແຕ່ຂໍແກ້ໄຂ
- ຈິງໃຈ ໂປ່ງໃສ ໃສ່ໃຈ ມີຄວາມຮັບຜິດຊອບ “ຈສປມ”
ຄຳປະຕິຍານຕົນ
1. ຊ່ວຍເຫຼືອຄົນ ບົນພື້ນຖານຂອງຄວາມເມດຕາ
2. ມີຄວາມສັດທາຊື່ສັດຈິງໃຈ
3. ມີຄວາມໂປ່ງໃສ ເອົາໃຈໃສ່ ແລະ ຮັບຜິດຊອບ
4. ມີຄວາມຮອບຄອບ ໃນການປະຕິບັດວຽກງານ
5.ໃຫ້ເປັນດັ່ງສະພານ ສູ່ການຊ່ວຍເຫຼືອທົ່ວປວງຊົນລາວ
ຄະນະບໍລິຫານ
![1. ທ່ານ ສຸວັນນະພອນ ພົມສະຫວັດ](https://jmflao.org/wp-content/uploads/2019/09/Untitled-1-1.jpg)
![2. ທ່ານ ມະນີວົງ ເທບສະຫວັນ](https://jmflao.org/wp-content/uploads/2019/09/okolk.jpg)
![](https://jmflao.org/wp-content/uploads/2020/09/317b8b95-f901-4ebb-adda-612179abc1af-244x300-2.jpg)
ພະນັກງານ
![](https://jmflao.org/wp-content/uploads/2020/07/ອ້າຍໂປ້ຍ-202x300.jpg)
![](https://jmflao.org/wp-content/uploads/2020/07/72aab2b1-a34f-489d-be24-dd23d24fdae1-1-200x300.jpg)
ຜູ້ບໍລິຫານໂຄງການ
![](https://jmflao.org/wp-content/uploads/2020/09/41764cf7-3495-481d-a24a-9826becce40c-200x300-1.jpg)
ພະນັກງານ
![](https://jmflao.org/wp-content/uploads/2020/09/WhatsApp-Image-2020-04-13-at-5.06.02-PM-223x300-2.jpeg)
![](https://jmflao.org/wp-content/uploads/2020/09/93419726_226311641807059_7839282142403100672_n-222x300-2.jpg)
![](https://jmflao.org/wp-content/uploads/2020/07/f1feb4dc-c21b-42e3-b721-fb96bce8a11c-808x1024.jpg)