ນິຕະຍະສານທາມ ໄດ້ຍົກໃຫ້ ເກຼຕາ ທັນເບີກ ເດັກໄວລຸ່ນຍິງຊາວສະວີເດັນ ອາຍຸ 16 ປີ ນັກເຄື່ອນໄຫວ ເພື່ອບັນຫາການປ່ຽນແປງສະພາບພູມອາກາດ ເປັນບຸກຄົນແຫ່ງປີ 2019.
ນິຕະຍະສານທາມ ກ່າວໃນວັນພຸດວ່າ ເກຼຕາ ທັນເບີກ ປະສົບຄວາມສຳເລັດໃນການປ່ຽນ ແປງທັດສະນະຄະຕິຂອງຄົນທົ່ວໂລກ ແລະປ່ຽນຄວາມຢ້ານກົວ ຂອງຄົນນັບລ້ານ ໃຫ້ກາຍ ເປັນການເຄື່ອນໄຫວ ເພື່ອສ້າງການປ່ຽນແປງຢ່າງຮີບດ່ວນ.
ເກຼຕາ ທັນເບີກ ສ້າງແຮງບັນດານໃຈໃຫ້ກັບຜູ້ຄົນໃນທົ່ວໂລກ ດ້ວຍການເລີ່ມປະທ້ວງຢູ່ໜ້າອາຄານລັດຖະສະພາສະວີເດັນ ຮ່ວມກັບໝູ່ນັກຮຽນ ເມື່ອເດືອນສິງຫາປີແລ້ວ ຕໍ່ມາລາວ ແລະໝູ່ນັກຮຽນ ໄດ້ປະທ້ວງ ດ້ວຍການຢຸດຮຽນຢ່າງຕໍ່ເນື່ອງທຸກໆວັນສຸກ.
ເພື່ອຮຽກຮ້ອງໃຫ້ລັດຖະບານຫັນມາສົນໃຈກັບບັນຫາການປ່ຽນແປງຂອງສະພາບພູມອາ ກາດໂລກຫຼາຍຂຶ້ນ!!! ພາຍໃຕ້ຫົວຂໍ້ ” Fridays For The Future ” ແລະກາຍເປັນເຮັງບັນດານໃຈ ໃຫ້ເກີດການຂະບວນຍ່າງໃນລັກສະນະດຽວກັນໃນທົ່ວໂລກ.
ແລະເລື່ອງຂອງລາວ ທີ່ຜູ້ຄົນຈື່ຈຳທີ່ສຸດຄື ການຂຶ້ນກ່າວຕຳໜິຜູ້ນຳໂລກ ໃນການປະຊຸມວ່າດ້ວຍການດຳເນີນການດ້ານສະພາບພູມອາກາດ ທີ່ສຳນັກງານໃຫຍ່ສະຫະປະຊາຊາດ ນະຄອນນິວຢອກ.
ຂໍ້ຄວາມວ່າ:
“ຂ້ອຍບໍ່ຄວນຢູ່ບ່ອນນີ້! ຂ້ອຍຄວນຈະຢູ່ໃນຫ້ອງຮຽນທີ່ຢູ່ຝັ່ງໜຶ່ງຂອງມະຫາສະໝຸດ ແຕ່ພວກເຈົ້າພັດໂຍນຄວາມຫວັງມາໃຫ້ກັບພວກເຮົາຄົນລຸ່ນໃໝ່……”
ເກຼຕາ ທັນເບີກ ກາຍເປັນບຸກຄົນອາຍຸນ້ອຍທີ່ສຸດໃນໂລກ ທີ່ໄດ້ຮັບການຍົກຍ້ອງໃຫ້ເປັນບຸກຄົນແຫ່ງປີ ຈາກນິຕະຍະສານທາມ.
ເກຼຕາ ທັນເບີກ ໄດ້ຮັບການສະເໜີຊື່ເຂົ້າຮັບລາງວັນໂນເບວ ສາຂາສັນຕິພາບ ໃນປີ 2019
ແຫຼ່ງຂໍ້ມູນ: ວີໂອເອໄທ VOA THAI